Гризман ја „отпиша“ Барселона од одбрана на трофејот во ЛШ
Реванш средбата во четвртфиналето од Лигата на шампионите заврши кобно за каталонскиот гигант, откако Атлетико Мадрид со 2-0, односно вкупен резултат 3-2 ја елиминираше Барселона и се пласираше во полуфиналната фаза.
Напаѓачкто трио Нејмар-Меси-Суарез беше речиси невидливо на Висенте Калдерон, посебно аргентинскиот напаѓач кој не упати ниту еден шут кон голот на Облак, што му се случува прв пат по 2014 година и тоа против истиот стратег на мадридскиот тим.
Антоан Гризман беше херојот на вечерта за домаќините. Првата посериозна закана ја претвори во гол и тоа во 36-та минута по прекрасната асистенција на Саул. Силниот пресинг на избраниците на Енрике во вторите 45 минути од средбата не беше доволен за да се постигне макар и еден погодок кој би ги одвел Каталонците чекор напред кон одбрана на тронот. Во 88-та минута, Иниеста играше со рака во казнениот простор, со што беше досуден пенал кој Гризман успешно го реализираше за конечни 2-0.
Останатите екипи кои се дел од најдобрата четворка се Баерн Минхен, Реал Мадрид и Манчестер Сити. Ждрепката за оформување на полуфиналните двојки ќе се одржи в петок, 15-ти април.