Грешки кои не смеете да ги направите со деца во авион
Летното време може идеално да се искористи за патување надвор од државата но, ако имате мали деца може да биде проблематично при летот со авион. Затоа треба да внимавате на неколку детали за да имате удобно патување, да не ги вознемирите патниците околу вас, а и на самите деца да им биде полесно во авион.
Експертите за детска психологија и семејство препорачуваат најпрво да најдете лет во време кога децата обично заспиваат и безгрижно да го поминат патувањето. Во спротивно треба да ги подгтовите за промена на секојдневната рутина на јадење и спиење, а потоа лесно да се вратат на старите навики.
За пакувањето најголемите грешки се понесување на секоја играчка, козметика, препрати и шишенца за хранење. Наместо да ја спакувате целата покуќнина, најдобро е да ги одберете неопходните предмети и да не се грижите за огромен багаж со вас кој ќе го влечете.
Во текот на летот, особено ако тој трае подолго не им дозволувајте на децата постојано да ги користат телефоните, таблетите и електронските уреди гледајќи видеа или играјќи игри. На нив ќе им треба време за одмор, па и кратка дремка со што ќе бидат подобро прилагодени за летот и нема да ве вознемируваат. Следете ги овие едноставни совети и немојте да бидете токму оние патници со деца кои вриштат и скокаат низ авионот привлекувајќи ги погледите со осуда од останатите патници.