Границата ќе се штити со ограда, мигрантите се понервозни
Безбедносните сили на Македонија поставуваат заштитна ограда на одредни точки на јужната граница со Грција со цел подобро да се насочува протокот на бегалците, со тоа што на поефикасен начин ќе може да се евидентираат и да ги поминат сите процедури за продолжување на транзитот низ државата.
Состојбата на јужната граница во секој момент може да ескалира доколу бројот на мигранти кои сакаат да се пробијат се зголеми, па веднаш при поставувањето на оградата имало мали инциденти и неколку припадници на безбедносните сили се повредени.
Проценките дека се потребни нови засилени мерки на безбедност и регулација на протокот се донесени од координативното владино тело за справување со бегалската криза.
На овој начин потешко ќе има пробиви и можни инциденти со мигрантите кои не потекнуваат од подрачја со воени конфликти и нивниот премим е спречен. Европската унија најпрво ќе мора да се справи со бегалците од Сирија, како и од Ирак и Авганистан, а да ги затвори вратите за економските мигранти кои бараат азил.