Градоначалникот на Кавадарци доби два месеци затвор

Со пресуда на Основен суд Кавадарци, градоначалникот на општина Кавадарци Александар Панов денеска беше осуден на два месеца затвор за кривично дело „поткуп при избори и гласање“.

– За ова дело предвидена е парична казна или казна затвор до една година – појасни судијата доктор Лазар Нанев.

Согласно законот за одредување на видот и одмерување на висината на казната, укажа судијата Нанев, делото се класифицира во петта хоризонтална категорија каде што врз основа на податоците за личноста се класифицира во прва вертикала бидејќи е неосудуван досега, за што законодавецот утврдил парична казна од пет до 120 глоби или затвор од 30 дена до два месеца.

Казната ќе се изврши по правосилност на пресудата.