Голем пожар во стан во Чаир, седум лица повредени
Во Чаир синоќа избувна голем пожар во стан на улицата Џон Кенеди. Со изгореници од втор и трет степен на двете раце се здобил 31-годишниот Х.Ф. кој е задржан во Ургентен центар-пластична хирургија. Во пожарот се повредени и И.Ф.(66), Р.Ф.(35) и С.М.(20), кои се задржани во Ургентен центар-токсикологија, како и три деца на возраст 11, 7 и една година кои се задржани во Ургентен центар– педијатрија. Пожарот е локализиран и угаснат со што се спречило ширење на соседните станови во зградата, а денес ќе се изврши и увид за се утврдат причините за избувнување на пламенот.