HomeДЕНЕШНАРепубликаГодинава најмногу приговори за екстерно – Според ДИЦ половина се неосновани

Годинава најмногу приговори за екстерно – Според ДИЦ половина се неосновани

Екстерното тестирање во јунската сесија заврши со вкупно 2 855 приговори, информираат денеска од Државниот испитен центар (ДИЦ). Средношколците најмногу се жалеле на нецелосно процесуирани резултати, недостиг од еден поен за премин во наредна оценка, а најголеми жалби по предмети се поднесени за македонски, математика, информатика и биологија.

Според ДИЦ – половина од приговорите неосновани
-Прифатени се 17,09 отсто, делумно прифатени се 26,34 проценти од приговорите, а повеќе од половина од приговорите се неосновани. Мал дел од приговорите (околу 40) се однесуваат на нецелосно процесирани резултати и тие се уште се разрешуваат во комуникација со училиштата. Прашањата за кои е констатирано дека се проблематични од технички или содржински карактер, а поради кои беа и усвоени дел од приговорите, ќе бидат корегирани или избришани од базата на прашања, информираат од Државниот испитен центар.
srednoskolciСпоред средношколците, екстерното тестирање е исполнето со нерегуларности, нелогичности и технички недостатоци што дополнително го отежнува тестирањето. Од Пленумот досега испратиле низа поплаки, меѓу кои и примери каде прашањата се поставени на албански, а одговорите на македонски, или пак друг пример, каде од можни четири одговори понуден е само еден, а останатите места се празни. Освен Средношколскиот Пленум, за нелогичности во екстерната проверка се пожалија и голем број наставници и родители.

Пленумците велат дека и понатаму се во координација и се подготвени од септември одново да ги потсетат надлежните за нивните барања.

Екстерното тестирање годинава опфати вкупно 183.280 ученици и 17.803 наставници. За оние ученици кои не го поминаа екстерното тестирање во јуни или не биле во можност да полагаат, ќе следува сесија во август.

Social Media Auto Publish Powered By : XYZScripts.com