Гемиџиите повторно пронајдоа тело во распаѓање

Учесниците на Вардарската регата денеска пронајдоа тело во водите на Вардар. Како и лани така и годинава кајакарите пронашле тело во реката кое било во лоша состојба. Веднаш ја информирале полиција, чии екипи се на терен за да го извадат на суво.

Според кажување на учесниците во регатата, веднаш по мостот кај Караслари, во непристапен предел со густи грмушки било забележано телото, кое било во одмината фаза на распаѓање. Од СВР-Велес го потврдиле настанот, но велат дека засега не може да се потврди дали се работи за маж или за жена, а обдукцијата е во тек. Последните два месеца во
Велешко како исчезнати се водат две жени. Лани, исто така првиот ден од пловењето, членовите на Регатата пронајдоа леш во близина на населбата Градско.