„Game of thrones“ повторно триумфираше на доделувањето на Еми награда!

Серијата „Game of thrones“ ја освои наградата Еми за најдобра драмска серија втора година по ред и стана најнаградувана телевизиска серија. Серијата „Veep“ повторно ја освои наградата за најдобра комедија, а Џулија Луис-Драјфус која ја игра главната улога е наградена по рекорден шести пат за најдобра актерка во комедии.

Џефри Трембор ја освои наградата за најдобар актер во комедијата за улога во серијата „Transparent“. Изненадување беа добитниците на награди за најдобри улоги во драмските серии. Реми Малек и Татјана Маслани победиле во силна конкуренција за улоги во сериите „Mr. Robot“ и „Orphan Black“.