Француската престолнина останува без залихи на леб

Париз во криза – отворени пекари има сѐ помалку, како последица од укинувањето на обврската на пекарите да го пријавуваат нивниот годишен одмор во префактурата.

Оваа обврска е воведена во францускиот законик уште од далечната 1790 година, но властите ја укинаа пред неколку месеци со законот за поедноставување на функционирањето на претпријатијата. Досега задолжителна беше фазата на пријавување во префактурата за да се знаат затворените пекари и да се спречи недостигот на леб.

Доминик Анракт од комората на пекарите во Париз им парираше на исмејувањата од страна на британските медиуми со изјава дека проблемот не е во недостигот на леб, туку во недостигот на купувачи кои токму во месец август ја напуштаат престолнината и местото им го препуштаат на туристите.