Фото: “Шарените” триумфално се вратија пред Влада

Поголема група на граѓани меѓу кои и активистите на Шарената револуција се собираат пред владата на Република Македонија за да го одбележат крајот на владеењето на Груевски откако Зоран Заев го доби мандатот за состав на новата влада.

Шарената револуција беше “тивка” изминатите месеци и не излезе на улиците со цел да нема контра протести, ниту можни судири со демонстрантите на За заедничка Македонија.

Меѓу главните слогани на Шарената револуција беше “Не си одиме од овде додека не си оди Груевски”.

Од СДСМ денеска посочија дека нема официјално да организираат прослава бидејќи не е време за триумфализам туку за реформи кои ќе ја направат Македонија подобро место за живот за сите.