Фото: Лозовите и овошните насади уништени – Комисии на терен ги утврдуваат штетите

Владата на синоќешната вонредна седница одлучи да се формираат комисии за испитување на штетите настанати кај овошните и лозовите насади од ниските температури и мразот. Тие од утре ќе излезат на терен и ќе направат записници за штетите. Како што информира министерот за земјоделство, шумарство и водостопанство, Михаил Цветков, формирана е и комисија од повеќе институции која треба да утврди методолгија по која ќе се изврши исплаќање на штетите. Тој објасни дека согласно законот штетите се исплаќаат до 100 отсто и не е стриктно утврдено колкав ќе биде процентот на исплата.

Општинска комисија во Охридскиот регион денеска излезе на терен, а состојбата е загрижувачка. Според нивните информации, уништени се околу 80 проценти од јаболковите насади. Во меѓувреме, загрижените земјоделци објавуваат фотографии од нивните насади на кои се гледа што им направил мразот на овошките.