HomeДЕНЕШНАПолитикаФилип Петровски по грешка стана професор по историја – најавува тужба за Институтот за национална историја

Филип Петровски по грешка стана професор по историја – најавува тужба за Институтот за национална историја

filip-petrovski

Директорот на Државниот архив, Филип Петровски, одби да го коментира поништувањето на решението на рецензентската комисија за избор на виш научен соработник во Институтот за национална историја (ИНИ). На новинарско прашање за коментар, Петровски им го сврти грбот на новинарите и си замина со краток одговор дека за тоа нема коментар.

Сепак, за кратко се врати и неофицијално соопшти дека ќе чека да го добие решението, по што ќе излезе во јавноста со соопштение, а размислува и да тужи. Докторот по политички науки Филип Петровски, со одлука на рецензентската комисија на ИНИ беше избран за виш научен соработник во Институтот, за подоцна да ја повлече одлуката.

Комисијата образложи дека одлуката ја повлекува поради процедурални грешки и констатирала дека Петровски, освен што не ги исполнува условите, не доаѓа од областа за која се избира.

Петровски денеска во Штип ја промовира едицијата „Црните досиеја на УДБА“. Едицијата е составена од девет тома со 16 книги, а на 13.000 страници се пренесени 202 досиеја. Меѓу овие досиеја, како што рече Петровски, има и неколку на помалку познати штипјани.

Мета

Social Media Auto Publish Powered By : XYZScripts.com