Федерер се измачи против Колшрајбер
Роџер Федерер се пласираше во третото коло од турнирот серија 500 во Базел, после тешка победа против Филип Колшрајбер со 6:4,4:6,6:4.
Швајцарскиот тенисер прлично рутински го доби првиот сет и се чинеше дека лесно ќе успее да го приведе до завршница овој натпревар.
Сепак во вториот сет, Колшрајбер го подигна нивото на својата игра и во десетиот гејм успеа да дојде до брејк, а воедно и до сет со 6:4.
Гермаанецот одигра и одличен трет сет, можеби беше и подобар ривал на теренот, но попушти на финишот од средбата. Федерер клучниот брејк го направи во деветиот гејм, а потоа сервираше за 11 победа против Колшрајбер во исто толку одиграни натпревари.
Нареден ривал на Федерер во Базел ќе биде Давид Гофан кој го победи Адријан Манарин во два сета.