Ф1 пилотот Жил Бјанки го загуби животот
Жил Бјанки по девет месеци поминати во болница ја загуби борбата за живот и почина на 25 годишна возраст. Младиот талентиран возач во септември минатата година имаше тежок судар на патеката Сузука во Јапонија и во периодот на опоравување за кратко имаше надежи дека ќе закрепне, но повредите на главата биле премногу тешки и комплицирани.
Од неговото семејство изјавија „Жил се бореше се до последниот момент, каков што беше и секогаш, но денес неговата борба заврши“. Бјанки за време на несреќата возеше за тимот на Маруси и е првата жртва на Ф1 по трагедијата со Аиртон Сена во 1994.