Еве како да добите бесплатен Windows 10
Microsoft се уште нема точно разјаснето кој се ќе добие бесплатна надградба со најновата верзија на оперативниот систем Windows 10, но има еден сигурен начин да ја добиете бесплатно и што е најважно легално. Се што треба да направите е да се регистрирате во Windows Insider програмата и да ја инсталирате пробната верзија на Windows 10.
Откако ќе завршат сите тестови во бета фазата сите корисници без оглед дали имале лиценца од Microsoft или пак користат некоја од постарите верзии на Windows XP, Vista или Windows 7 ќе може да го добијат најновиот софтвер, а на истиот компјутер ќе може да направат и преинсталација доколку е потребно исто така бесплатно. Пуштањето на Windows 10 е закажано за 29 јули.
Извор: telefoni.mk