Евакуација во Нов Зеланд пред налетот на втората голема бура
Поројни дождови го зафатија Северниот Остров во Нов Зеланд, во пресрет на најлошата бура во последните децении, според предвидувањата на метеоролозите.
Новозеланѓаните евакуираа градови по должината на северниот брег веднаш по прогнозите за големо невреме, пренесува BBC.
Невремето најверојатно ќе предизвика свлечишта на земјата околу 19:00 часот по локално време над заливот Пленти. Официјални лица предупредија на високи бранови, голема бура и лизгање на земјиштето.
Потоа се очекува да се движи кон Јужниот Остров, во петок наутро.
Невремето доаѓа откако големите поплави, предизвикани од остатоци од циклонот Деби, погодија некои делови на земјата минатата недела.
Бурата – која се очекува да донесе поројни дождови и јаки ветрови со брзина до 150 км на час е класифицирана како екстра-тропски циклон.