ЕУ гориво за придвижување на македонските политичари

Состојбата на политичката сцена во Македонија се уште е статус кво, па дури и камповите пред Владата и Собранието се уште се активни. Почетниот договор за предвремени избори во април следната година очигледно не ги смири страстите меѓу политичките партии кои не успеаа да си пружат рака за клучните прашања.

Денес Советот на ЕУ составен составен од министри за надворешни работи ќе ги донесе заклучоците за Македонија, па можеби нивното влијание ќе придонесе во некаков побрз расплет на домашната политичка сцена.

Опозицијата сигурно очекува поостар тон од евро-министрите и осуда на македонските власти за нарушување на повеќе правни и демократски стандарди, но од друга страна пак повторно се говореше за враќање на институционалниот пат на решавање на политичката криза и дијалог во парламенет. Власта пак, е во добра позиција чекајќи ги најавените предвремени избори обвинувајќи ја СДСМ за бегање од соочување со гласачите, при тоа не давајќи никаков простор за исполнување на главните барања за формирање преодна влада и оставка на премиерот Груевски.

Пообемни забелешки за Македонија од ЕУ ќе бидат дадени во наредните денови кога завршува Самитот и ќе се состанат и шефовите на влади.