Енди Мареј со закана до Ѓоковиќ
Енди Мареј понесен од крилјата на првото место кое го освои на Квинс Клаб Турнир, вели дека сега се наоѓа во одлична физичка форма и се чувствува одлично. „Морате да бидете подобри. Ако не, некој друг ќе го земе вашето место. Физички сум дефинитивно во подобра форма од претходно, а сега исто така имам поразновидна игра. Тоа е добро за мене“, вели Мареј.
Во пресрет на големиот тениски турнир во Англија, Вимблдон, кој започнува на 29-ти јуни, Мареј вели дека често пати бил многу блиску до Ѓоковиќ, меѓутоа на крајот доживувал пораз. Тој смета дека е време да го направи последниот чекор да го повтори ланскиот успех и да го совлада рекетот број еден.
„Навистина е штета што толку многу губев од Новак, но во многу мечеви бев многу блиску до него. Тој имаше фантастична година и нема срам во поразите од него, но ако сакам да освојувам гренд слем титули морам да го победам. Го направив тоа во минатото кога победив на УС опен, на Вимблдон и на Олимпијадата и морам да научам нешто од тие мечеви. Има само еден играч на светот кој играл подобро од мене оваа година. Сега морам да го победам“, вели Мареј.