Енди Мареј елиминиран од УС Опен
Јужноафриканецот Кевин Андерсон успеа да направи изненадување на УС Опен со победата во осминафиналето над третиот носител на турнирот, Енди Мареј.
Андерсон победи во сетови со 3:1 (7-6, 6-3, 6-7, 7-6) со што стигна до своето прво Грен Слем четвртфинале. Тој во следното коло ќе се сретне со Станислас Вавринка, кој со истиот резултат во сетови (6-4, 1-6, 6-3, 6-4), славеше над Доналд Јанг.
Пласман во четвртфиналето обезбеди и Рожер Федерер, кој со 3:0 во сетови (7-6, 7-6, 7-5) го совлада Џон Изнер.