Едно прашање ги дели партиите од конечен договор во Пржино

Работните групи на четирите политички партии на иницијатива на амабасадорите Орав и Бејли од Европската Унија и САД одржуваат нова рунда на разговори за конечно изнаоѓање на договор кој земјата треба да ја врати на реформскиот пат и да се најде излез од политичката криза.

Според повеќе извори, засега само едно прашање и понатаму е спорно иако дипломатите не откриваат за што всушност станува збор. Сепак, тоа е порака дека опозицијата успеала да наметне поголем број на свои барања кои најверојатно се исполнети, особено клучните за регулација на медиумите, реформи во јавната сфера и целосно прочистување на избирачкиот список.

Најверојатно висат новите мерки како формирање на специјални одделенија во кривичниот суд и МВР кои треба да и асистираат на специјалната јавна обвинителка Катица Јанева, што на повеќе наврати од власти беше посочено како нелигитимно и непотребно. Разговорите ги водат Шеќеринска од СДСМ, Тодоров од ВМРО-ДПМНЕ, Груби од ДУИ и Алиу од ДПА.