Двајца работници повредени при гаснење на пожарот во ЕВН

Двајца работници се здобиле со изгореници од трет степен при гаснењето на пожарот којшто избувна во вчера во објектот на ЕВН. Двајцата работници на возраст од 35 и 31 година, веднаш биле пренесени во Градската болница „Свети Наум Охридски“ во Скопје. По укажаната лекарска помош двајцата се пуштени на домашно лекување.

Според официјалните информации, при изработка на фасадата ан ЕВН избувнал пожар во кој бил опожарен изолациониот материјал и заштитната мрежа (надворешно) околу 10 катови. Од страна на БППЗ пожарот бил локализиран. Причините за пожарот официјално се уште се утврдуваат, а според генералниот директор на ЕВН, Штефан Петер најверојатна причина за пожарот, бил огнот од апарати за заварување.