Двајца ловџии повредени во ловџиски несреќи

Вчера на две различни локации се повредија двајца ловџии.

Околу 16,00 часот на планинскиот дел над с.Боиште-демир хисарско, М.Д.(35) носејќи ловџиска пушка која ја поседувал дозвола испукал еден патрон при што го погодил во пределот на грбот В.А. (21). Истиот се здобил со тешки телесни повреди и со возило на итна медицинска помош пренесен во болницата во Битола, а поради сериозноста на повредите истиот е препратен во Ургентниот Центар-Скопје. Увид на местото на настанот извршила увидна екипа на СВР-Битола и се работи на целосно расчистување на случајот.

Вчераутро околу 08.30 часот на планината Китка во близина на с.Алдинци, при лов, со огнено оружје-ловечка пушка која ја поседувал со дозвола се самоповредил Д.Б.(62) по што истиот бил пренесен во ГОБ „Св.Наум Охридски“ каде му била укажана лекарска помош и му била констатирана тешка телесна повреда во пределот на прстот-показалец на десна рака.