Дубаи -центар на луксузот и хармонијата, необичното и традиционалното
Дубаи e успешен град и туристича дестинација со преку 10 милиони посетители годишно. Тука можете да јадете во едни од најдобрите светски ресторани, да правите шопинг во најексклузивни бутици и да се вклучите во најразлични активности и да видите прекрасни атракции.
Во Дубаи голем дел од парите заработени од нафтената економија е вложен токму во промоција на неговиот туризам.
Дубаи ја има и една од најубавите светски плажи (Jumeirah) на која има фантастични летувалишта. Хотелите на плажите се вистинско доживување, нудат висок квалитет и сјајни услуги.
Она по што најмногу ќе го паметите Дубаи доколку еднаш го посетите се познатите острови со палми – вештачки изградените острови на приферијата од Персискиот залив, каде што се наоѓаат некои од најексклузивните хотели и вили во светот. Целиот концепт на оваа вештачка креација е навистина магичен.
Тука се спојуваат традицијата и футуризмот. Самите облакодери се доказ за восхитувачката иновативност – од модерниот дизајн, преку имитацијата на старата архитектура, па се до раскошниот ентериер во разните локали што се доказ дека Дубаи е навистина понапреден од западниот свет во многу елементи.