Friday, Apr 19, 2024
HomeДЕНЕШНАПолитикаДС со осуда за изјавите на Иванов за амнестија на тепачите и за нападот на Алтхаузер

ДС со осуда за изјавите на Иванов за амнестија на тепачите и за нападот на Алтхаузер

„Демократскиот сојуз ги осудува изјавите на Ѓорге Иванов за амнестија на тие што учествуваа во грабежот и дестабилизација на државата, како и неаргументираните напади на амбасадорот на Германија.

Наместо создавање клима за внатрешна кохезија и прифаќање на подадената рака од ЕУ и НАТО, за повторното отворање на можностите за продолжување на евроатланските процеси, како и поддршката за економска и финансиска стабилизација, Ѓорге Иванов, упатува критика до Германија, држава која е наш силен и највлијателен подврзувач.

Граѓаните се определени за промени, правда и стабилизација.

Промените се во тек и никој не може да ги блокира, а одговорноста никој не ќе може да ја избегне, ниту Ѓорге Иванов.

Демократскиот сојуз е за тоа „прочистувањето” да започне од таму од каде што смрдат работите, а не од опашот“, се вели во соопштението на Демократскиот сојуз.