Држави со најголеми резерви на нафта

Пред неколку дена Меѓународната заедница постигна договор со Иран поврзан со нуклеарната програма на оваа земја. Еден од ефектите за кои најчесто се разговара е и влијанието на овој договор со светската цена на нафтата. Имено, Иран е земјата со значително големи резерви на нафта, но сепак не е меѓу првите три.

На 10-то место според резервите на нафта се наоѓа Нигерија. Во оваа земја резервите на нафта изнесуваат 37,14 милијарди барели. На деветто место е Либија во која има 48,47 милијарди барели нафта, а пред неа е Русија со 80 милијарди барели нафта. Обединетите Арапски Емирати се на седмото место со 97,8 милијарди барели резерви, а Кувајт кој се наоѓа на шестото место има 104 милијарди барели нафта на чија експлоатација може да смета.

На петото место е Ирак (140,3 милијарди барели), a четвртти е Иран со резерви од 157,3 милијарди барели. На првите три места според резервите на нафта се Канада (173,2 милијарди барели), Саудиска Арабија (268,4 милијарди барели) и Венецуела која ги има најголемите резерви на „црното злато“ во светот, а кои изнесуваат 297,7 милијарди барели.