Добар почеток на викендот: Суво и стабилно време

Времето денеска во Македонија ќе биде стабилно, суво и топло со мала до умерена облачност. Ќе дува умерен ветер претежно од североисточен правец, долж Повардарието повремено ќе засилува. Утринската температура ќе се движи од осум до 17, а дневната од 26 до 33 степени.

Во Скопје времето ќе биде сончево и топло со мала до умерена облачност и со умерен ветер од североисточен правец. Утринската температура ќе се спушти до 14, а дневната ќе се искачи до 31 степен. УВ-индексот ќе има вредност 7.