Димовски бара Собранието да се активира за лажните лични карти
Владејачката партија покрена иницијатива за формирање на анкетна комисија во Собранието на Република Македонија која ќе биде фокусирана на решавање на скандалот со издавањето на лажни лични карти, но и на пасоши, документи и банкарски сметки.
Предлогот го објави Илија Димовски пратеникот и координатор на ВМРО ДПМНЕ во Собранието бидејќи значајни политички и одговорни лица на функција во Македонија биле во контакт, корелација, а можеби и во соработка со обвинетите за аферата, Собранието има суштинска надлежност да го истражи целиот случај и да изготви документација по која понатаму ќе се постапува.
Претходно Антонио Милошевски ја обвини СДСМ дека ја кочи работата на веќе формирана анкетна комисија за скандалот со прислушкување и дека не постапува според Деловникот и утврдените обврски. Опозицијата пак, возврати дека власта прави евтини трикови за пропаганда и дека бега од суштинска одговорност.