Џенет Џексон ја откажа турнејата поради планирање на семејство

Од како со месеци  фанови стравуваа по здравјето на познатата поп-пејачка Џенет Џексон, таа конечно се одлучила да ја сподели во јавноста причината поради која ја откажува нејзината турнеја. По операцијата на грлото, која во јавноста кружеа гласини дека е направена поради рак на грлото и која подоцна се покажа како грешна, Џенет соопшти зошто обожавателите нема да ја видат на сцена.

„Мислев дека е важно први да дознаете. Мојот сопруг и јас планираме семејство, па морам да ја одложам турнејата. Ве молам за разбирање, одлуката ја донесовме токму сега. Според лекарските препораки, морам да мирувам“, објавила Џенет и им се заблагодарила на разбирањето на фановите и на сите кои работеле на организација на турнејата.