Џеко го изедначи рекордот во Рома стар скоро 57 години
Един Џеко во победата на Рома на гостувањето во Болоња со 3-0, го постигна 24 гол во Серија А, вкупно 34 сезонава.
“Морам да признаам дека имавме пеколен распоред. Имавме дуелите со Лацио во Купот и Лион во Лига Европа, сојузот не сакаше да ни помогне и тоа не кошташе многу. За нас е многу важно да завршиме како втори. До крајот е се можно. Ние треба да веруваме во себе, и чека не нас директен дуел со Јувентус. После тоа, се ќе биде појасно “, изјави Џеко.
Во претходното коло тој го надмина Франческо Тоти кој во сезоната 2006-07 постигна 32 гола, репрезентативецот на Босна и Херцеговина сега се изедначи со Педро Манфредини.
Аргентинецот во сезоната 1960/61, кога Рома го освои единствениот европски трофеј, тој постигна 34 гола. Џеко е на добар пат да го собори и сопствениот рекорд од Волфсбург, кога во сезоната 2008/09 постигна 36 гола.