Џастин Бибер одбил пет милиони долари од Доналд Трамп
Канадскиот пејач Џастин Бибер одбил понуда од пет милиони долари за настап на конвенција на Републиканската партија, кој би траел околу 45 минути. Станува збор за највисоко понудената сума за настап на овој пејач. Како што пренесуваат медиумите, според договорот обврска би било и да не смее да се зборува негативно за претседателскиот кандидат Доналд Трамп.
Иако размислувал да прифати, Бибер се откажал после разговорот со својот менаџер Скутер Браун, кој е поддржувач на демократите, но и со кошаркарот Леброн Џејмс кој исто така го советувал да ја одбие понудата. Скутер Браун, голем поддржувач на Хилари Клинтон, дури му се заканил и со отказ доколку ја прифати понудата на Трамп, а покрај тоа, во бендот на Бибер свират и Афроамериканци кои веднаш одбиле да настапат на конвенцијата.