Џамбазов го заменува Јовановски во „Преспав“ – Продуцентите не откриваат зошто

Игор Џамбазов ќе биде замена за Владо Јовановски во втората сезона на комедичната ТВ серија „Преспав“ која се емитува на ТВ Телма, но продуцентите освен најавата не открија зошто се решиле на ваков потег. Тоа беше доволно на социјалните мрежи да се прошират информации дека Јовановски бил заменет поради лошиот публицитет со учеството во протестите на „За заедничка Македонија“ и упадот во Собранието на Република Македонија на 27 април.

Актерот беше заедно со поголема група на граѓани кои ја запоседнаа пленарната сала, а тој се правдаше дека не го оправдувал насилството и нападот врз пратениците. И претходно ставовите на Јовановски беа проблематични за Телма и Преспав, особено со неговиот статус во кој рече дека ќе има војна.