Денеска нема пешачење – протест од Охридското езеро

Денеска Македонија ќе се брани од Охридското езеро. Иницијативата „За заедничка Македонија“ одржа протест во чамци и бродови и ги повтори своите барања од Охридското езеро.

Откажување од тиранската платформа, да не се бира претседател на собранието на РМ кој не се откажал од тиранската платформа, формирање на македонска платформа, за мултиетничка и заедничка Македонија, против двојазичност и бинационална држава. На протестот што денес се одржа на бродови и чамци кои пловеа по Охридското езеро, се обрати и директорот на охридскиот Народен театар, Горан Стојаноски, кој повтори дека платформата треба да е изгласана од страна на народот.