Дали ќе се укине плаќањето радиодифузна такса?
Белгискиот експерт Питер Ванхауте, како дел од пакетот на понудени решенија поврзани со медиумите предлага и да се укине радиодифузната такса и МРТВ да се финасира со 1 процент од буџетот. Тој предлага фиксен модел на финасирање, со околу 30 милиони евра од буџетот и смета сека тоа на МРТВ ќе и донесе уредничка независност и професионалност.
Вчера од Демократскиот сојуз рекоа дека во разговорите за реформа на медиумската сфера, неопходно е да се разработи концепт за целосна трансформација на Македонската радио-телевизија и да се обезбеди стабилно финансирање, главно преку буџетот.
– Во услови на голем број медиуми (радија и ТВ-станици), граѓаните не треба да плаќаат радиодифузна такса. ДС смета дека нема потреба граѓаните и компаниите и понатаму да ја финансираат политичката кампања на партиите на власт, преку плаќање радиодифузна такса од 190 денари – рекоа од ДС. Од партијата најавија дека наскоро ќе предложат промени во соодветните закони.