Челзи се засили со Баба Рахман од Аусбург

Актуелниот англиски шампион, Челзи, се засили на левата бековска позиција со 21-годишниот репрезентативец на Гана, Абдул Рахман Баба.

Баба Рахман потпиша за Челзи по само една сезона помината во германскиот прволигаш Аузбург за сума која што се шпекулира дека е околу 30 милиони евра. Тој доаѓа како замена за Бразилецот Луис Фелипе кој по неуспешната авантура во Англија се врати во Атлетико Мадрид.

– Многу сум среќен што потпишав за еден од најголемите клубови во светот – изјави Баба Рахман.

Тренерот на Челзи, Жозе Мурињо, е задоволен што ќе има поголема конкуренција на бековските позиции во новата сезона.

Баба Рахман е третото засилување на Челзи оваа сезона откако претходно се засилија со голманот на Стоук, Асмир Беговиќ и напаѓачот на Монако, Радамел Фалкао.