Бувовите во Македонија

Бувот е ноќна птица карактеристична по големата глава во однос на телото, со крупни очи и широко тркалезно лице(наречено диск). Тој е грабливец кој најчесто лови ноќе благодарение на совршениот вид, слух и бешумен лет.
Во светот постојат околу 220 видови бувови од кои во Македонија може да се сретнат 9.

Ќук (otus scops)
Големина: од 16 до 20 cm.
Ќукот е единствениот був кој е птица преселница, доаѓа и си заминова со ластовичките. Се гнезди во дупки на дрвјата и мали отвори на куќите и зградите.

Кукумјавка (athene noctua)
Големина: од 20 до 23 cm.
Був кој често може да се види во текот на денот на некој покрив или дрво како се сонча. Се гнезди во крововите на куќите, во зградите, штали и амбари.

Гаќеста Кукумјавка (aegolius funereus)
Големина: од 22 до 25 cm.
Се гнезди во планински иглолисни или мешани шуми во дупки на дрвјата. Црниот бор е едно од неговите омилени живеалишта.

Долгоушест був (asio otus)
Големина: од 33 до 37 cm.
Често се забележува во паркови, училишта, градинки и јавни установи. Се гнезди во иглолисни дрвја или во напуштени гнезда од други птици во крошните.

Краткоушест був (asio flammeus)
Големина: од 35 до 39 cm.
Тој е активен и преку денот во потрага по храна. Се гнезди на земја во трева или грмушки на отворени влажни ливади и полиња.

Шумски був (strix aluco)
Големина од 36 до 38 cm.
Се гнезди во дупки на стари стебла во шуми покрај отворени полиња, во недостаток на истите се гнезди и во отворени гнезда на дрвјата.

Кукувија (tyto alba)
Големина: од 37 до 41 cm.
Се гнезди во крововите на штали, амбари, куќи, но често и во отвори на дрвја или процепи во карпи кои се наоѓаат на отворени полиња и ливади.

Уралски був (strix uralensis)
Големина: од 65 до 70 cm.
Се гнезди во планински шуми со стари стебла, во процепите или во паднати гнили дрва.

Голем був (bubo bubo)
Големина од 70 до 75 cm.
Еден од најголемите бувови. Се гнезди во карпи, на големи стебла, трупци или на земјата.