Бундестагот утре ќе расправа за актуелната ситуација во Македонија

Комисијата за европски прашања на германскиот Бундестаг утре ќе расправа за актуелната ситуација во Македонија, јавува „Дојче веле“, додавајќи дека седницата ќе биде затворена за јавноста.

Главна тема на седницата ќе биде актуелната ситуација на Западен Балкан, а посебен акцент ќе биде ставен на состојбата во Македонија и во Босна и Херцеговина.

Германскиот социјалдемократ и член на парламентарната Комисија за надворешна политика на Бундестагот, Гернот Ерлер, минатата недела изрази „екстремна загриженост“ и ја оцени ситуацијата во Македонија како „државна и уставна криза од највисок ранг“.

Придружете ни се Facebook >
Ерлер оцени дека лидерот на ВМРО-ДПМНЕ, Никола Груевски, стравува дека ако власта се смени, тој ќе се најде пред суд и оти со предизвикување меѓуетнички тензии и со помош на претседателот Ѓорге Иванов се обидува да ја спречи промената на власта.