Бугарски оклопни возила на границата со Македонија
Бугарија со нови превентивни мерки. На четирите премини со Македонија, Бугарија испраќа оклопни возила со цел да и помогне на пограничната полиција во случај на прилив на бегалци, соопшти бугарското Министерство за одбрана.
Вкупно 25 војници во неколку оклопни возила се веќе упатени на бугарско – македонските гранични премини, но нивниот број може да се зголеми ако тоа биде потребно – изјави претставник на министерството Николај Карајванов.
Пред неколку дена бугарски хеликоптери ја надлетуваа границата, а властите на 21-ви август донесоа одлука да распореди војска на границите со Македонија и Грција, поради алармантната состојба со мигрантите.