Божиќ одбележан во Католичката црква

Верниците од Католичка вероисповед кои се водат според Грегоријанскиот календар, денеска го одбележуваат раѓањето христово Божиќ.

Традиционално, централната прослава, Божиќната полноќна литургија се одржа во Католичката црква „Пресвето срце Исусово“, на која присуствуваа претседателот Иванов, претседателот на Собранието, Вељаноски и претседателот на владата Груевски со сопругите, како и директорката на Комисијата за односи со верските заедници, Божиновска.

Божјата скромност е силна порака на денешниот раскошен и заробен човек, и затоа да се отвориме кон милосрдието и да им подадеме рака на сиромашните и гладните, порача скопскиот бискуп и апостолски егзарх во земјава, Киро Стојанов.