БОРКА ќе го одбележи Светскиот ден за борба со ракот
БОРКА како едно од најактивните здружение за превенција од рак, подигање на свеста и поддршка за заболените лица и оваа година ќе се вклучи во одбележување на 4-ти февруари како Светски ден за борба со ракот.
„Како полноправни членови на Меѓународната унија против ракот, глобален конзорциум на повеќе од 280 организации за борба против ракот во над 90 земји, секоја година од 2007 се приклучуваме во организација и реализација на активности за одбележување на овој ден. Оваа година ќе лансираме веб кампања со промоција на денот и информации за сите граѓани за методите на превенција од рак како потенцијално излечива болест, стои во соопштението на БОРКА.
Кревањето на свесноста за превенција од малигните заболувања е многу значајна во здравствената заштита и секое рано откривање на болестите може да значи и сочувување на животот.