Бомба експлодираше во Атина, најверојатно дело на анархистите
Вчера пред „Еуробанк“ во Атина била активирана бомба во која нема информации за повредени или зафгинати, а според првичните проценки на полицијата нанесена е само помала материјална штета.
Екплозијата ги оштетила влезот и прозорците во банката, а причинила материјална штета и на соседните згради. Чуварот во банката видел како две лица на мотоцикл оставиле торба пред објектот и продолжиле со голема брзина.
Истовремено, еден новински веб сајт добил телефонски повик дека бомбата ќе експлодира за 35 минути. Полицијата веднаш по дојавата ги блокирала улиците во близина на банката, а експлозијата се слушнала и во централните делови на Атина.
Засега никој не презеде одговорност за нападот, но се претпоставува дека тоа е дело на анархистите од групата Заговор на огнените ќелии.