Битолското село Трново го означува стартот на Семакедонската илинедска средба

Денеска во дворот на црквата „Успение на Пресвета Богородица“ ќе се одржи Семакедонската илинденска средба – Трново 2015.

Oбединувањето на 44. Светска македонска иселеничка средба и 35. Погранична средба на Македонците од Егејскиот дел на Македонија се под покровителство на Матицата на иселениците од Македонија, Здружението на Македонците од Егејскиот дел на Македонија – Битола, Сојузот на Македонците од Егејот МАКЕДОН и Светскиот Македонски Конгрес.

Се најавува богата културно – уметничка програма, пропратена со света архиерејска литургија што ќе ја отслужи митрополитот Европски Пимен, обраќања на вицепремиерот за економски прашања Владимир Пешевски и на претставници на организаторите во чие име претседателот на Светскиот македонски конгрес Тодор Петров ќе прочита Семакедонска илинденска декларација за Македонија.