Thursday, Mar 28, 2024
HomeДЕНЕШНАСветБез причина Турција ја блокираше Wikipedia

Без причина Турција ја блокираше Wikipedia

Во Турција утрово беше забранет пристапот до Википедија – слободната енциклопедија која секој има можност да користи и редактира, соопшти турската НТВ.

Според информациите, забраната е наметната од турскиот Совет за информатичка технологија и комуникации од денеска, во 8 часот наутро. Причина не се наведува, јавува БТА.

Одговорен претставник во телефонска изјава за НТВ истакнал дека ограничувањето на пристапот до Википедија е од безбедносни причини, а во врска со борбата против тероризмот. Тој посочи дека пред тоа, од турска страна, биле преземени иницијативи за ограничување на информации, кои според него им користат на терористички групи, но предупредувањата не биле земени предвид.

Се наведува дека забраната била наметната без претходно да е донесена судска одлука, а само со службената одлука на Советот. Забраната предизвика протести на социјалните мрежи.