Бесен маж со нож ги нападнал родителите на поранешната сопруга

Крвава драма се случувала во прилепското село Дебреште денеска претпладне. Жител на селото со нож ги нападнал родителите на неговата поранешна сопруга, при што и на двајцата им нанел убодни рани. Напаѓачот, 45-годишниот С.У. ги обвинил родителите на поранешната сопруга дека тие се виновни за разводот, по што дошло и до тепачка во која настрадале поранешните баба и дедо – пишува Телеграф.мк.
Според првичните информации, повредените И.С. и М.С., кои се на возраст од околу 70 години, се надвор од животна опасност и се префрлени в болница во Прилеп. Полицијата е излезена на терен и врши увид на местото на настанот. Поранешната сопруга воопшто не била во куќата на нејзините родители кога бил извршен нападот.