Автономното возило на Google во сообраќајка со повредени
За прв пат автономното возило на Google учествиваше во сообраќајна несреќа во која има повредени патници и тоа тројца вработени на компанијата, како и еден возач во удреното возило. Google опремил SUV возило со повеќе камери и сензори за автоматско возење, а екипата била присутна како дел од задолжението на владата на Калифорнија и за да ги бележи сите активности.
Возилото на Google било удрено на семафор од задната страна, што значи дека вината не е во нивната технологија или екипа. Учесниците во сообраќајката поминале со мали повреди и брзо се пуштени од болница. Интересно е што јавноста има сомнежи за автомобилите кои возат автономно без контрола на возачот, но досега во сите несреќи во кои учествуваше Google Car вината е кај останатите учесници во сообраќајот и тоа поради зборење на мобилен телефон и невнимание.
На некој начин овие несреќи одат и во прилог на Google кој полека докажува дека нивната технологија е многу побезбедна и може да спречи потешки сообраќајни несреќи.