Асанж ги повика европјаните на акција против САД

Џулијан Асанж кој овозможи да бидат откриени доказите за прислкување на САД врз тројцата последни француски претседатели го повика европските држави на акција за поведување истрага против шпионските служби. САД, од друга страна пак се обидува да ги смири сојузниците во Европа и дава гаранциите дека прислукувањето завршило, а Обама изјава дека Оланд не бил мета на следење на комуникацијата.

Оланд подоцна изјави дека лично од Барак Обама добил цврсто уверување дека ќе престане праксата на неприфатливо прислушкување на сојузниците. Асанж во интервју за француската телевизија TF1 порача европските држави да поведат правни мерки против САД, а наскоро ќе биде обелодените уште повеќе шокантни откритија.

Во документите на Викиликс се објавени фајлови од NSA во кои се збирува за активностите на француските претседатели и функционери поврзани со светската економска криза, можното излегување на Грција од еврозоната и тајните преговори во Париз меѓу Израел и Палестина, односно прашања кои директно ја засегаат надворешната политика на САД. Ваквото однесување налути дел од службениците во Париз кои бараат нов принцип на работа на тајните служби за да не се наруши довербата.

Чудна коинциденција за шпионскиот скандал е што речиси во исто време во францускиот парламент беше изгласан нов закон за следење на интернет и мобилната комуникација на граѓаните со што француските власти ќе добијат огромна моќ.