АРМ и Црвен крст ќе изведат заеднички вежби

Армијата на Република Македонија и Црвениот крст на РМ денеска на воениот стадион во градски парк во Скопје ќе реализираат заедничка вежбовна активност на која ќе бидат претставени постапки за спасување животи при кризни состојби.

На свеченоста ќе присуствуваат претставници на АРМ, Црвениот крст на РМ и на цивилните здравствени организации.

„Вежбата е во рамки на активностите за одбележување 25 години од постоењето и долгогодишната одлична соработка со Црвениот крст на Република Македонија“, соопшти канцеларијата за односи со јавност на Генералштабот на АРМ.