„Apple“ го продаде милијардитиот „iPhone“!

За време на состанокот во седиштето на „Apple“ во Купертин во Калифорнија, „драматично“ се појави и извршниот директор Тим Кук за да го прослави големиот момент во продажбата на милијардитиот „iPhone“ уред кој доби свој сопственик, иако „Apple“ не прецизираше кој е купецот и каде се случила продажбата.

Еден од менаџерите во компанијата „Apple“ одбил да коментира дали купецот на милијардитиот „iPhone“ добил некаков поклон, бидејќи тој станал дел од „iPhone“ историјата.

Извршниот директор на „Apple“ Тим Кук истакнал дека „iPhone“ е еден од најважните и најуспешните производи во историјата, еден од оние кои го промениле светот и кој станал дел од секојдневието на човекот. Овој производ дебитираше во 2007 година, а за скоро 10 години се продадени, сега веќе, повеќе од милијарда уреди.