Анима Мунди го отвори првиот центар за хуманост и борба против насилството врз животните
Прв центар за хуманост и борба против насилството врз животните во Македонија, отвори здружението за заштита на животните Анима Мунди.
Центарот е лоциран во ТЦ Бисер, на први кат.
Од Здружението информираат дека преку Центарот ќе се обидат да влијаат на јавната свест и промовираат хуманост, но и да обезбедат конкретни услуги за превенција, односно евиденција и санкција на насилството врз животните. Воедно, најавуваат и соработка со институциите и дејствување во насока да се обезбеди силна законска рамка која ќе ги штити животните во државата.
Центарот е овозможен преку програмата Цивика мобилитас, проект на Швајцарската агенција за развој и соработка (СДЦ), кој го спроведуваат НИРАС од Данска, Македонскиот центар за меѓународна соработка (МЦМС) и Шведскиот институт за јавна администрација (СИПУ) од Шведска