Анкетна комисија за несослушување – „Класична“ парламентарна демократија
Анкетната комисија формирана во Собранието на Македонија како дел од законодавната власт никој не ја испочитува досега од актуелните или поранешните членови на извршната власт, вклучувајќи го и денешниот предвиден сведок екс директрот на УБК Сашо Мијалков кој исто така не се појави на сведочење. Комисијата требаше да работи на расчистување на дел од дилемите поврзани со незаконското прислушкување но, нејзината работа се претвори во вистинска пародија последните неколку денови, со бројни меѓусебни кавги, викање и лични навреди. Главните забелешки против нејзиниот претседател Петре Шилегов е дека не го почитува Деловникот за работа, прави многу грешки во водењето на седниците и се однесува шалабајзерски со свои идеи. Од друга страна пак повиканите сведоци се однесуваа крајно дрско кон тело кое е формирано од народните избраници и треба да се почитува политичкиот авторитет во земја која по устав е парламентарна демократија, без да соберат храброст и да се појават на сведочење.