Албанците формираа Асоцијација на општини во јужна Србија
Денеска напладне е прогласена Асоцијација на Албанските општини во Долината на Прешево. Одлуката е донесена од страна на советниците во општините Прешево и Бујаовац додека советниците од Медвеѓа не присуствувале на оваа средба бидејќи тие утре имаат локално гласање, наведуваат албанските медиуми во јужна Србија.
На чинот на прогласувањето на оваа асоцијација присуствувале голем број на жители Албанци од јужниот дел на Србија. Оваа одлука е донесена во знак на одговор на давањето на право за формирање на Асоцијација на српските општини во Косово, јавија истите извори.